كــلــمـــات من كـتـر الاعادة فيها اتحفظت

علي مراحل العمر المختلفه بيمر علي مسامع الواحد جمل بتتقال في اغلب البيوت...
لحد الواحد ماحفظها شوفوا معاياه كدا





*ادخلى يا مقصوفة الرقبة

اللي بيشيل اربه مخرومه بتخر على دماغه
*مش عايزة اسمع صوت
*ماتعملش كدة تاني
*لو مش فاهم حاجة ارفع ايدك واقول للأستاذ مش فاهم ... ما تتكسفش
*ومالها بس كتب الوزارة
*بص كويس وانت بتعدى الشارع
*البس شبشب ... ما تمشيش حافى
*قوم صلى ربنا يهديك
*اطفى التليفزيون واقوم ذاكر... التمثيلية مش حتنفعك بحاجة
*اقفل صدرك حتاخد برد
*كل على مهلك وامضغ الأكل كويس
*كفاية رغى فى التليفون بأة
*ما تعليش المروحه وانت نايم
*ما تعليش صوتك عليا
*اللى يكذب ربنا يدخله النار
*ادى دقنى اهه لو فلحت
*بلاش تلعب بالمقص ... بيجيب النكد
*يا بنى كلم خالتك العيانة اسال عليها
*اوعى حد غريب فى الشارع يديلك حاجة وتاخدها
اوعى حد ماتعرفوش يقولك تعالى معايا وتروح معاة
*عيب لازم تحترم اللى اكبر منك
*انت فاكرنى قاعد على تل فلوس ... اجيبلك منين
*انت ما بتشبعش طلبات
*قوم اقرالك كلمتين ينفعوك
*ما تتكلمش بصوت عالى فى الحمام
* والله ما انت فالح
*ما تلزقش فى التليفزيون كدة ... نظرك حيضعف
*مش شايف ابن عمك فالح ازاى ... ياريت تبقى ربعه
*اللى بيعوز يذاكر بيذاكر انشا لله حتى على لمبة جاز
*ما تطلعش ايدك من شباك العربية
* كسر رقبتك على صدرك
*ربنا يرزقك بعيال يوروك اللى ورتهولى
*ما تطلعش ع السرير ورجلك وسخة ايه القرف دة
*حول القناة دى بلاش مسخرة وقلة ادب
*طلع ايدك من جيبك وانت بتكلمنى
*بتبرطم بتقول ايه
*انت فاكر انك كبرت خلاص ... مش حتكبر عليا